Feb23

ભારો બાવળ?, ટુકડો ચંદન?.

રોમે રોમે જાગે કંપન,
તો વગડો પણ બનશે મધુવન.

પ્રેમ થશે તો આવી જાશે,
તારાં દિલમાં મારૂં સ્પંદન.

સામે જોઈ બાળક મલક્યું, 
ત્યારે સમજાયું સંમોહન.

બિલ્ડીંગોનાં જંગલ વચ્ચે, 
ટહુકાનું થાતું નિસ્યંદન.

ઘરડાઘરનાં ઉદઘાટનમાં,
કરવું શું સૌને સંબોધન?

વિષ પીનારો મળશે કોઈ, 
પાછું કરીએ સાગર મંથન.

નક્કી કર તું, શું જોતું છે? 
ભારો બાવળ?, ટુકડો ચંદન?.

વિપુલ માંગરોળીયા ( વેદાંત ) 

-

Posted in વેદાંતની ગઝલો ૨૦૧૫-૧૬
.