May22

ગિરધારી

 માંડ હજી તો આંખ મીચાણી, 
સપનામાં આવ્યા ગિરધારી.

             હાથે ક્યાંય ન ભાળી વાંસળી, 
            ચક્ર વગરની હતી આંગળી, 
                 મારી પણ આંખો મુંઝાણી, 
                                                               સપનામાં આવ્યા ગિરધારી.
                 એપલનું લઈને કોમ્પ્યુટર, 
                      ઈન્ટરનેટ નો માંગ્યો પાસવર્ડ,
   
        માઉસની હાથે કરી સવારી,
                                                            
સપનામાં આવ્યા ગિરધારી.
                ચૌદ લોકનો નાથ મુંઝાયો, 
                     પર્સનલ ડીટેલ માં અટવાયો 
           આપત્તિ દિલની વરણાવી, 
                                                         સપનામાં આવ્યા ગિરધારી.
             ભક્ત તમે મારો ને માથું, 
          ફેસબુક નું ખોલી દો ખાતું, 
         પ્રક્રિયા છે સાવ અજાણી,   
                                                     સપનામાં આવ્યા ગિરધારી.
         ખાતું ખોલીને મેં આપ્યું, 
          વૃંદાવન નું આઈડી રાખ્યું, 
        કાનાને કૈંક લાગી ખામી, 
                                                        સપનામાં આવ્યા ગિરધારી.
           મિત્રો માં આવું ના ચાલે 
        પાંચ હજારે બંધન આવે, 
           સોળ હજાર છે મારે રાણી,     
                                                       માંડ હજી તો આંખ મીચાણી, 
                                       સપનામાં આવ્યા ગિરધારી.

વિપુલ માંગરોલીયા ( વેદાંત )  25-01-2015

 

-

Posted in ગીત
.