May18

ક્યા કઈ થવાનું

એમ તો ક્યાં કંઈ થવાનું છે?
થાય એ કોણ રોકવાનુ છે?

એમ લઈ જાય નાં કશે રસ્તો
તારે પણ થોડું ચાલવાનું છે.

ના મળે ભેખ ભગવા કપડાં થી
સૌ પ્રથમ ખિસ્સું કાપવાનું છે.

મન ભરી એમાં તો તું નાચી લે,
કોણ સપનામાં ટોકવાનું છે?

આપવો કેમ દોષ સૂરજ ને
એને પણ રોજ દાઝવાનું છે.

કર મદદ થોડી તું ય વરસીને
અશ્રુને મારે ઢાંકવાનું છે.

હોય મંદિર માં ચાહે મસ્જિદ માં
ફૂલ તો તોય ફોરવાનુ છે. 

વિપુલ માંગરોલીયા ( વેદાંત ) 01/08/14

-

Posted in વેદાંતની ગઝલો ૨૦૧૩-૧૪
.