Feb23

બીજા શબ્દોમાં કહું, જીંદગી માણું છું.

કોઈ અઘરા નિયમ પણ હું ક્યાં પાળું છું,  
બીજા શબ્દોમાં કહું, જીંદગી માણું છું.

વિદ્વતા બોજ લાગે નહીં એટલે, 
બાળકો જેટલું  જ્ઞાન હું રાખું છું.

ખુદની ગરમીથી ત્રાસી જતાં સુર્યને, 
સાગરે ડૂબકી મારતો   ભાળું છું.

એક ને એક અગિયાર કર તો ખરો,  
એક ને એક  બે તો હું પણ જાણું છું. 
  
ટૂંટિયાની ટેવ પાડી નથી કોઈદી, 
પગ પ્રમાણે હું ચાદર ને લંબાવું છું. 

વિપુલ માંગરોલીયા ( વેદાંત )

-

Posted in વેદાંતની ગઝલો ૨૦૧૫-૧૬
.