Feb23

એ વિચારે પાર્થનું ગાંડીવ અચકાયું હશે

એ વિચારે પાર્થનું ગાંડીવ અચકાયું હશે. 
શત્રુઓનાં પક્ષમાં પણ કોઈ તો  સારું  હશે !

છે મનોરંજન બધાને આપણાં મતભેદનું,
પણ અહીં નુકશાન કાં તો તારું કાં મારું હશે. !

ગામની ઉજ્જડ ગલીમાં એટલે તો જાઉં છું, 
કંયાક તો સંવેદનાનું કોઈ સરનામું હશે !

એટલે સૌને ડરાવે છે સદા અંતિમ ઘડી ,
આપણો ઉત્સવ હશે પણ આંખે અંધારું હશે !

કોઈ વાવડ જો મળે માને શહાદતનાં પછી,
દિલનું ગૌરવ  , આંખનાં થૈ આંસું, છલકાયું હશે

એજ કારણથી પલાશે પુષ્પ પણ ખિલતા રહ્યા, 
નગ્નતા જોઈ આ જંગલ સ્હેજ શરમાયું હશે.

વિપુલ માંગરોલીયા ( વેદાંત 

-

Posted in વેદાંતની ગઝલો ૨૦૧૫-૧૬
.