Feb23

અંતરથી જો તારી ઈબાદત હશે

અંતરથી જો તારી ઈબાદત હશે, 
સો દર્દની સામે સો રાહત હશે,

સૌ બંધ મુઠ્ઠી સાથે જન્મે અહીં 
શું  સૌની પાસે વાત અંગત હશે?

છોડીને આંખો આંસું નિકળી ગયા, 
આંખોની સાથે શું અદાવત હશે?

ટોળાં માં રૈ'ને પણ રહે એકલો,
નક્કી પ્રણયની કોઈ બાબત હશે.

ચાલ્યો અચાનક સૌને રડતાં મુકી, 
બસ એકલા રેવાની આદત હશે.

આવો ગળે એકથી, ગળે લાગે એક,
જીવન મરણ નો આ તફાવત હશે.

તરણાં બચે "વેદાંત" તોફાનમાં, 
કારણ એ પાછળનું નજાકત હશે. 

વિપુલ માંગરોલીયા ( વેદાંત ) 

-

Posted in વેદાંતની ગઝલો ૨૦૧૫-૧૬
.